బొల్లి

                                            తెల్లమచ్చలు --బొల్లి                       20-2-09 .
 

     ఇది అంటువ్యాధి కాదు.చూడడానికి అసహ్యంగా వుంటుంది. పర్యావరణ కాలుష్యము వలన వస్తుంది.
 

      వేప చెట్టు బెరడును పైచెక్క ముక్కను తీసుకోవాలి.  బెరడు లోపలి తెల్ల చెక్క కూడా తీయాలి
.దీనిని ఎండబెట్టాలి. తెలుపు వున్న వైపు సాన రాయి మీద చాది  గంధం తీయాలి. ఆ గంధాన్ని
తెల్ల మచ్చలపై నెమ్మదిగా ఇంకేటట్లురుద్దాలి.గుడ్డను వేలికి చుట్టి గందంలో ముంచి కూడా రుద్ద వచ్చు

.                                     తెల్ల బొల్లి మచ్చల నివారణ                      16-7-09.

                   పట్టుదల, ధైర్యము, నమ్మకం వుండాలి.

ఉసిరికాయల బెరడు ---- 10 gr
కాచు ---- 10 gr
నీళ్ళు ---- ఒక లీటరు
బావంచాల పొడి ---- పావు టీ స్పూను

      నీళ్ళలో ఉసిరికాయల బెరడు, కాచు వేసి పావు లీటరు కషాయం మిగిలే వరకు కాచాలి.
దానిలో బావంచాల పొడి కలిపి ఉదయం, సాయంత్రం ఆహారానికి అర గంట ముందు సేవించాలి.

మాంసాహారం, పాల పదార్ధాలు కలిపి సేవించకూడదు. అతి పులుపు పనికిరాదు

.                                                      20-2-10

  మూడు వేళకు వచ్చినంత తులసి దళాల పొడిని వేడి నీటితో సేవించాలి. తులసి మొక్క యొక్క వేళ్ళకు వున్నబెరడును చనుబాలతో నూరి మచ్చలపై పూయాలి

. కృష్ణ తులసి పొడి నల్ల జిలకర పొడి రెండింటిని సమాన భాగాలుగా తీసుకొని వేడి నీటితో సేవించాలి. దీనినే నీటితో నూరి మచ్చలపై పూయాలి.

కృష్ణ తులసి వేళ్ళు
నల్ల వావిలి వేళ్ళు
దోరగా వేయించిన శొంటి
" " పిప్పళ్ళు
" " మిరియాలు

అన్నింటిని సమాన భాగాలు తీసుకొని దంచి పొడి చేసి సీసాలో భద్ర పరచుకోవాలి.
ప్రతి రోజు మూడు వేళ్ళకు వచ్చినంత పొడిని వేడి నీటితో సేవిస్తూ వుంటే త్వరగా నయమవుతాయి. త్వరగా చర్మపు రంగులో కలిసి పోతాయి

                                                  . 18-5-10

                          బొల్లి అంటువ్యాధి కాదు

తెల్ల గలిజేరు ఆకు రసం               ---- 100 gr
దిరిసెన చెట్టు ఆకు రసం              ---- 100 gr
నువ్వుల నూనె                          ---- 200 gr

      ఒక పాత్రలో అన్నింటిని పోసి స్టవ్ మీద పెట్టి తేమ ఇంకిపోయి నూనె మాత్రమే మిగిలే వరకు మరిగించాలి. వడపోసి చల్లారిన తరువాత సీసాలో భద్ర పరచాలి.

      ఈ తైలంతో మచ్చల మీద మర్దన చేస్తుంటే మ్రామేపి మచ్చలు పోతాయి.

                                       తెల్ల మచ్చలు ( బొల్లి )                               7-9-10.

     కెమికల్స్ వలన, ప్యాంట్లు బిగుతుగా వేసుకుని ఎండ తగలక పోవడం,
 ముఖానికి వాడే చర్మ లేపనాల వలన లేదా ఏ విధంగా నైనా రావచ్చు.

వాము పొడి
వేప గింజల పొడి

రెండు పొడులను కలిపి తేనెతో తీసుకోవాలి. వాయు విడంగాల పొడిని ఒక్కొక్క టీ స్పూను
 చొప్పున ఉదయం, సాయంత్రం తేనెతో తీసుకోవాలి.

                                                 27-11-10

           ఈ వ్యాధి వారసత్వం వలన, విరుద్ధ ఆహారం వలన, రోగ నిరోధక వ్యవస్థ సరిగా పని
చెయ్యక పోవడం వలన వస్తుంది.

లక్షణాలు :-- శరీరం తెల్లబడడం, శరీరానికి గిట్టని మందుల వలన పుండ్లు పడడం,

ఆహారంలో, కాలేయంలో, పొట్టలో, పేగులలో సమస్యలు ఏర్పడతాయి.మానసిక వేదన కలిగిస్తాయి.

  శ్వేత కుష్టు లేహ్యం బావంచాది లేహ్యం ఈ రెండింటిలో ఏదో ఒక ఔషధాన్ని వాడుకోవచ్చు.

చండ్ర చెక్క                       --- 200 gr (ఖదీరా )
బావంచాలు                     --- 200 gr
నేలవేము                        --- 100 gr ( గోమూత్రం తో శుద్ధి చేయాలి )
అశ్వగంధ                       --- 100 gr
వేపాకు                           --- 100 gr
త్రిఫల చూర్ణం                  --- 200 gr
చిత్రమూలం పొడి             --- 100 gr

  అన్నింటి చూర్నాలను కలిపి కల్వంలో వేసి తగినన్ని ఆవు పాలు కలిపి మెత్తగా నూరి కుంకుడు గింజలంత మాత్రలు చేసి ఆరబెట్టాలి. బాగా ఎండిన తరువాత నిల్వ చేసుకోవాలి.

         ప్రతి రోజు ఉదయం, సాయంత్రం ఆహారానికి రెండుకంట ముందు వాడాలి. ఈ మాత్రలను
వేసుకున్న తరువాత రెండు గంటల వరకు ఎలాంటి ఆహారం తీసుకోకూడదు.