ప్లీహము

                          ప్లీహము నందలి వ్యాధుల నివారణ                                   5-3-09.
 

వ్యాయామం :-- రెండు కాళ్ళను దూరంగా పెట్టి చేతులను బార్లా చాపి వంగి కుడి చేతితో కుడి కాలి బొటన వేలును తాకాలి ఎడమ చేతిని పూర్తిగా పైకేత్తలి. అదే విధంగా రెండవ వైపు కూడా చెయ్యాలి. ఈ విధంగా చేసేటపుడు  గాలిని పీలుస్తూ వంగాలి గాలిని వదులుతూ లేవాలి.
 

      అదే విధంగా నిలబడి కుడి చేతితో ఎడమ పాదాన్ని తాకాలి. ఎడమ చెయ్యి పైకి నిటారుగా వుండాలి. అదే  విధంగా రెండవ వైపు కూదాచేయ్యాలి.

      బాసింపట్టు వేసుకొని నిటారుగా కూర్చోవాలి. చేతులను వెనక్కు పెట్టుకొని ముందుకు వంగాలి.

      కింద కూర్చో లేకపోతే కుర్చీలో కూర్చొని చెయ్యవచ్చు. గాలి పీలుస్తూ ముందుకు వంగాలి గాలి వదులుతూ పైకి లేవాలి.

వ్యాధిని గుర్తించడం:-- పొట్ట మీద ఎడమ వైపు ఉబ్బెత్తుగా వుంటుంది (బల్ల)
ఆహారం:--
      నాటు ఆవుల మూత్రాన్ని ఉదయాన్నే సేకరించాలి. మొదటి, చివరి మూత్రాన్ని వదిలి మధ్య మూత్రాన్ని
మాత్రమే ముంతలో పట్టుకోవాలి. దీనిని ఏడు సార్లు వడపోయ్యాలి.
     ఈ విధంగా వడపోసిన దానిని పావు కప్పు తీసుకొని దానిలో చిటికెడు రాళ్ళ ఉప్పు పొడిని కలిపి సేవిస్తే
ప్లీహ వ్యాధులు నివారింప బడతాయి.
                                                          ప్లీహ వ్యాధుల నివారణ                                                  6-3-09.
వ్యాయామాలు:--

1. మేరుదండాసనం:-- వెల్లకిలా పడుకొని కాళ్ళు ముడిచి నడుము దగ్గరకు రానివ్వాలి. చేతులను ముందుకు
చాచి కాళ్ళను సపోర్ట్ చేసుకుంటూ నడుమును పైకెత్తాలి, దించాలి. దీని వలన ప్లీహము, గుండె, ఊపిరితిత్తులు,
నడుము మొదలైన వాటికి సంబంధించిన వ్యాధులు నివారింప బడతాయి.

2. మత్స్యాసనం    3. ఉదర చాలనం    3. ఉడ్యానబంధం.

             100 గ్రాముల వామును  చెరిగి, శుభ్ర పరచి మట్టి మూకుడులో పోసి అది మునిగే వరకు కలబంద గుజ్జు
రసం పోయాలి. రాత్రంతా నానబెట్టి ఉదయం ఎండబెట్టాలి. సాయంత్రం లోపల రెండు మూడు సార్లు పుల్ల తో కలియ
బెట్టాలి. మరల రెండవ రోజు అదే విధంగా కలబంద రసం తో తడిపి మరుసటి రోజు ఎండలో పెట్టాలి . ఈ విధంగా
మూడు రాత్రులు, మూడు పగళ్ళు చెయ్యాలి. తరువాత దంచి పొడి చెయ్యడానికి వీలుగా ఎండ బెట్టాలి. పూర్తిగా
ఎండిన తరువాత దంచి పొడి చేసి సీసాలో నిల్వ చేసుకోవాలి.

                           పిల్లలకు              --- రెండు చిటికెలు
                           పెద్దలకు              --- పావు టీ స్పూను.

    నీళ్ళలో కలుపుకొని తాగాలి. ఈ విధంగా 40 రోజులు చేయాలి. ఈ మందు వాడేటపుడు అన్నం తిన కూడదు.
గోధుమ రొట్టె మాత్రమే తినాలి. చపాతీలోకి పుదీనా పచ్చడి, ముల్లంగి కూరలు వాడుకోవాలి. పప్పు ధాన్యాలు,
నెయ్యి, నూనె వాడకూడదు.

                              బహిష్టు సమస్యల వలన ఏర్పడే ప్లీహవ్యాది --- నివారణ                                17-6-09.

     50 గ్రాముల వామును మట్టి మూకుడులో వేసి అది మునిగేంత వరకు కలబంద రసం పోసి ఎండబెట్టాలి.
రాత్రి మరలా కలబంద రసం పోసి ఉదయం ఏనాదబెట్టాలి. ఈ విధంగా మూడు రోజులు చేయాలి. తరువాత పూర్తిగా ఎండబెట్టాలి. తరువాత దంచి పొడి చేసి నిల్వ చేసుకోవాలి.
     పావు స్పూను పొడిని నోట్లో వేసుకొని నీళ్ళు తాగాలి.
    నెయ్యి, నూనె, కారం వాడకూడదు.

                                           ప్లీహములోని సమస్యలు ---నివారణ                                             3-9-11.
     వెంపలి  మొక్కల వేర్లను కడిగి , ఎండబెట్టి , దంచి పొడి చేసి నిల్వ చేసుకోవాలి .

వెంపలి వేర్ల పొడి                ---- 2, 3 చిటికెలు
మజ్జిగ                             ---- ఒక గ్లాసు

     మజ్జిగలో పొడిని కలుపుకొని తాగితే  ప్లీహములొ ఎంత వాపు వున్నా తగ్గిపోతుంది .